HINUYUHOY SA PASKO
(SONANOY)
--
Pagkatam-is sa huyuhoy sa hangin,
Pagkamamyon sa alisbo sa mga bulak,
Kamalipayon sa mga kasingkasing,
Kay king walog nagdilab sa mga balak.
*
Magaambahan kitang tanan kang Bathala
Sa taliwala niining tumang kalipay,
Mahigugmaon maglaylay ang mga dila
Aron pagpasaylo lang sa mga kaaway
*
Kanimo Bathala nga Makagagahum
Magaluhod kami sa pagpasalamat,
Kay sa ilalum niining gabii nga matahum
*
Ang gugmang kalooy Mo sa yuta m’sidlak
Nga nagahingilin sa mabagang dag-um
Nga nagabilanggo sa Imong mga anak.
NASUD, Disiyembre, 1940.
No comments:
Post a Comment
Note: Only a member of this blog may post a comment.