IKADUHANG SUMAD
Sa kamatayon ni Ferning Buyse, Jr., didto sa Manila sa Hulyo 7, 1938.
(SONANOY)
--
Misubang ang Adlaw nga malipayon,
Ang
langit mahapsay ug walay kid-om;
Bukid, patag, libon, Oh!, nangalimyon
Ug
ang kinaiyahan mayohumyohum.
*
Apan ako intawon! Ako gilagbasan
Sa
bagkaw nga maidlot sa mga kasakit . . . !
Sa usa ka dakung Krus ako nagpas-an.
Kansang
kahabug, Ay!, tupong sa langit.
*
Nagbakhug gakurog ang kasingkasing,
Nagtawag,
gasangpit, walay pahulay,
Sa labing matam-is nga angga ni Ferning . . . !
*
Unya nanungha kang tahum panagway
Sa kalag kug diwa buut molipay,
Apan,
kamingaw ko hinoon nahaling . . . ! ! !
BAG-ONG KUSOG, Hulyo 12, 1940.
No comments:
Post a Comment
Note: Only a member of this blog may post a comment.