Juan
Gumising ka, Juan
Huwag kang
magmaang-maangan
Imulat mo ang
iyong mga mata
At tingnan mo ang
iyong kapaligiran.
Si Maria, iyong
sinta
Siya ba’y iyong
inusisa?
Baka ito’y
ginahasa
Ng mga dayuhan at
buwitreng mapagsamantala.
Si Inang, iyo bang
nakita?
S’ya ba’y lagi
mong bnabantayan?
Dahil maraming
nagkagusto’t nahalina
At gustong
samsamin ang kanyang kagandahan.
May pagkain ba sa
iyong mesa?
O hindi ka
nakabili dahil wala kang pera?
Mahal yata ang
bilihin
Kaya hindi ka
halos makakain.
Mga anak mo Juan,
nasaan?
Sila ba’y iyong
napapa-aral?
Ito’y kanilang
karapatan
Kaya edukasyon sa
kanila’y
Huwag ipagkait at
pabayaan.
Huwag mong
sabihing okey lang
Kumilos ka’t
ipaglaban
Itong buhay na
nagmistulang bangungot
Bigay ng naghaharing mga asungot.
Published in i/o the literary
folio of the The DATALINE the official student publication of AMA Computer
College of Quezon City last December 1999 in pp. 8-9 and printed by MJC Press
Corp in Manila, Philippines.