Imperyalismo, ikaw nga
Mapagkunwaring kaibigan
Yaon pala’y
mapanlinlang
Bayan pala’y
nabili na
Mula rin sa mga
itinaboy
Mapang-aping
katulad niya.
Nagtitiis,
nagtatangis
Sa mga hudas na
nagkunwari
Sinamsam ang lahat
Ganda’t yaman nito
Dugo at pawis ang
ipinunla.
Kalaguyo’y
natutuwa
Sa hirap na
sinapit natin
Habang ang
karamiha’y
Hindi na makabili
ng makakain.
Silang mga
mapang-api
Banyaga o
naghaharing uri
Pagbayaran ang
inyong inutang
Mula noon hanggang
ngayon
Ito’ hindi
nakakalimutan
Sisingilin na ng
alyansang
Manggagawa’t
magsasaka.
Bilisan ngunit
maingat
Ang pagmulat sa
masa
Iwasto ang landas
Tungo sa
pagkakaisa
Paninindigan natin
Para sa pambansang
demokrasya.
Ito’y para sa atin
At sa susunod pa
na darating
Wakasan na natin
Ang kadena ng
pananamantala.
Imperyalismo, ikaw
nga
Hatid mo ay luha
Ngunit sa aming
pagkakaisa
Hindi mo kami
makakaya
Ulupong ka ng
lahat
Kasakiman ang dala
Ngunit ika’y wawakasan na.