Fernando Aquino Buyser

ANG SILAW SA PAGLAUM

(Pinahanungud kang Fern D. Moreno, Siyudad sa Sugbu)

SONANOY

--

        Yanghag ra sa Unahan aron pagtan-aw

                    Sa mga mata sa imong kasingkasing,

     Nianang malunhaw ug putli nga silaw

                        Nga sa hayag sa paglaum ta ikatanding.

*

          Kay sa tunukon mong dalan magaiwag,

                        Sa imong kalisdanan mao ang kalasag,

              Sa diwang gikapoy mo maoy magaawhag,

                                Ug sa imong pagkamao maoy magabansag

*

                 Sa iyang silaw . . . Buut sab ako modimdim,

                                  Nga sa lapoyng kalag mohatag kabaskug,

     Sa saru mo nga nagbukal sa kalalim,

                               Sa alak sa imong balak nga makahubog.

*

Itunol sa kamot kong nagakurog,

                Aron sa kalisud makasugakod.

NASUD, Marzo 1, 1941.